დღეისათვის ახალგაზრდა და ჯანმრთელი კანის შენარჩუნება დიდი გამოწვევაა, ამიტომ მნიშვნელოვანია, რომ კანის მოვლის რუტინაში დავნერგოთ ისეთი პროდუქტების გამოყენება, რომელიც დაბერების პროცესს შეანელებს და თქვენს კანს ჯანსაღ იერს მიანიჭებს.
როლერი ერთ-ერთი ის პროდუქტია რომელიც კანის მოვლის რუტინაში აუცილებლად უნდა შეიტანოთ და გამოიყენოთ ყოველდღიურად თუ ლამაზი და ახალგაზრდა, მბზინვარე და ჯანსაღი კანის შენარჩუნება გვსურს.
როგორ გამოვიყენოთ როლერი
არის ლიმფოდრენაჟი, რომელსაც აღწევთ როლერის საშუალებით არის სახის მასაჟის ფორმა, რომლის მეშვეობითაც კანქვეშა სითხე მიემართება ლიმფური კვანძების მიმართულებით და ავსებს მათ. როდესაც სახეს როლერის მეშვეობით იმასაჟებთ, ის სახიდან ხსნის შესიებას, გიცავთ ნაოჭების გაჩენისგან და გმატებთ კანის მბზინვაარებას. ეს არის სასიამოვნო პროცესი, რომლის ეფექტსაც რუტინის დაწყებიდან მალევე ხედავთ.
როლერის გამოყენებისას უნდა გაითვალისწინოთ ორი მნიშვნელოვანი საკითხი.
- პირველი, როლერის გამოყენებას აზრი არ აქვს, თუ პროცედურას ყელის დამუშავებით არ დაიწყებთ.
- მეორე, როლერს ზედმეტი ძალდატანება არ სჭირდება. გააკეთეთ მსუბუქი მოძრაობები. თვითონ მოწყობილობის წონა სრულიად საკმარისია საჭირო ეფექტის მისაღებად.
გამოყენებამდე სახე კარგად გაიწმინდეთ და დაიტანეთ მასზე თქვენი საყვარელი დამატენიანებელი. შეგიძლიათ წაისვათ ანტიოქსიდანტი და ვიტამინები, მკვებავი, შრატი, ან ზეთი, რომლებსაც როლერის გამოყენებით თქვენი კანი კარგად შეიწოვს.
მასაჟის კონკრეტული ინსტრუქცია კი ასეთია:
- თავდაპირველად ვფარავთ ყელის ქვედა არეს ზედა-ქვედა მოძრაობებით.
- იმავე მოძრაობებს ვიმეორებთ ზედა ყელის არეში.
- ამის შემდეგ მოდის ნიკაპის არე. ამ შემთხვევაში ვაკეთებთ წინ და უკან მოძრაობებს, რომელიც იწყება ნიკაპის ცენტრიდან და მიდის ყურის მიმართულებით.
- სახის დანარჩენ ნაწილს ვამუშავებთ ვერტიკალური მოძრაობებით. ვიწყებთ სახის შუა ნაწილიდან და მივდივართ საფეთქლებამდე.
- თვალის გარშემო არეს უფრო მსუბუქი მოძრაობით ვამასაჟებთ ჰორიზონტალური მოძრაობებით საფეთქლების მიმართულებით.
- რუტინას ვასრულებთ ცხვირზე ჰორიზონტალური მოძრაობებით.
- ხშირად როლერს მოყვება გუაშაც, ნატურალური ქვის ფირფიტა, რომლის გამოყენების დროსაც მიაღწევთ რელაქსაციისა და სიმსუბუქის მომადუნებელ ეფექტს.
ოპტიმალური შედეგის მისაღწევად კარგი იქნება თუ რიტუალს ყოველდღიურად ან კვირაში სამჯერ მაინც გაიმეორებთ. რაც, შეეხება რეკომენდირებულ დროს, უკეთესი იქნება თუ პროცედურას დილის საათებში ჩაიტარებთ. ამგვარად სახიდან შესიებასაც მოხსნით, განსაკუთრებით თვალის არედან. თუმცა თუ დილის პროცედურებისთვის დრო ნაკლებად გაქვთ, ძილის წინ სახის დამასაჟებაც ეფექტური იქნება.
ყოველდღიური გამოყენების შემთხვევაში შედეგს უკვე ორი კვირის განმავლობაში დაინახავთ.
გუაშა კანის მოვლის რუტინის ერთ-ერთი ყველაზე მნიშვნელოვანი და ეფექტური პროდუქტია. მისი დახმარებით კანი ხდება ბზინვარე, გლუვი, ნაზი, დამშვიდებული და ელასტიური.
გამოიყენება სახესა და ყელის მიდამოებში დაძაბულობის მოხასნელად და სარელაქსაციოდ. მათ აქვთ განსხვავებული ფორმები. ისევე, როგორც როლერი, ისიც სხვადასხვა სახის ქვისგან მზადდება, ყველაზე ეფექტური და აპრობირებული კი არის ვარდისფერი კვარცის გუაშა.
გუაშას გამოყენებისას რეკომენდირებულია სახე იყოს კარგად დატენიანებული. უკეთესია, თუ თქვენს რომელიმე საყვარელ ზეთს გამოიყენებთ, რათა ქვამ ელასტიურად და დისკომფორტის შექმნის გარეშე ისრიალოს კანზე.
როგორ გამოვიყენოთ გუაშა?
გუაშას გამოყენებით მასაჟის გაკეთებისას მოძრაობას ვიწყებთ ყელიდან და მივყვებით იგივე რიგითობას, რასაც ვაკეთებდით როლერის საშუალებით სახის დამუშავების დროს. თუმცა აქ მოძრაობები განსხვავებულია. გირჩევთ ინსტრუმენტი ამოძრაოთ ჯვარედინი მოძრაობით. ტუჩების მიდამოებში კი ზიგზაგის პრინციპით.
გუაშას ვიყენებთ კისრის და მხრების დამუშავებისთვისაც. პროცესში აღმოაჩენთ, რომ ის შესანიშნავად ხსნის დაძაბულობას და გეხმარებათ მოდუნებაში. ამ მიდამოების დამასაჟების დროს არ გჭირდებათ რაიმე კონკრეტული წესის დაცვა. უბრალოდ მოდუნდით და მაქსიმალურად შეიგრძენით პროდუქტის ეფექტი.
კიდევ ერთი წესი, რაც გუაშას გამოყენების დროს უნდა გაითვალისწინოთ ის არის, რომ ყოველი მოძრაობა 3-3-ჯერ მაინც გაიმეოროთ.
